政壇：「骨美人」從政冇拖拍
之前都介紹過多名政壇靚女，今日出場嘅係石門興建骨灰龕場關注小組召集人Iris黃冰芬。佢舊年因帶領一班沙田石門邨居民反對政府喺邨附近興建骨灰龕而嶄露頭角。
作為80後嘅Iris由細到大都好聽父母話，成長中亦冇離開過父母，算係乖乖女一名。不過，呢幾年佢集中精神喺石門一帶服務街坊，為方便工作想搬出去住，點知媽咪知道後即時擔心到喊咗出來，搞到佢唔知點算好，結果糾纏咗足足一年先至搞掂，搬咗去大圍嘅唐樓，而佢亦答應盡量抽時間返屋企食飯。
Iris有意參選十一月區議會選舉，據聞已選定沙田碧湖選區。正因為從政工作繁重，搞到佢到依家都未拍拖，家人自然好着急，但佢就處之泰然，認為緣分要來就來，強求都冇用喎！
黃冰芬