政壇：郭炳聯撐長青會活動

新地網站早前大搞新意思，新增咗「新地Xtra」欄目，畀新地中、港兩地各部門同事合力撰寫網上專欄，分享佢哋喺業務、工作同生活上嘅點滴。最近又再upload「新地長青會」嘅活動，等大家記得呢個喺○四年起成立嘅會有乜搞作，原來新地副主席郭炳聯都有參加「長青會」嘅活動o架。

「新地長青會」係由集團出錢出力推出不同類型嘅活動，至今已招聚了超過八十名退休同事。「新地Xtra」（http://shkpxtra.shkp.com/zh-HK/）， 最近上載了一篇文章介紹這個老友會嘅點滴。

「新地Xtra」最近嘅有關文章中引述咗長青會活動別具人情味嘅點滴，曾有一啲行動不便嘅會員希望參與長青會嘅聚餐或旅行，於是公司特別邀請埋佢哋嘅仔女陪伴出席。對於一啲因行動不便而好少出席活動嘅會友，長青會亦會組織會員前往探望問候，令佢哋得到多啲關心，感到人間有情。