政壇：30萬人搵九把刀女神
台灣網絡小說家九把刀嘅青春作品備受歡迎，早前佢更將《那些年，我們一起追的女孩》同名小說搬上大銀幕，好多人都知，呢部小說係九把刀嘅青春印記，唔少書迷都想知九把刀到底鍾情乜嘢女仔？呢個好奇心搞到好多書迷人肉搜尋女角原型，據講加入搜尋嘅書迷高達三十萬咁多。
九把刀喺本地亦擁有唔少書迷，上個月書展期間，佢專程來港，至於佢小說中嘅女主角係邊個？據講可能係台灣中部彰化精誠中學嘅一個舊生，網民搵到呢間中學嘅舊生畢業紀念冊，起到一個清秀女生可能係原型。
網友熱情如火，搞到九把刀都要出來叫停，希望大家唔好再人肉搜尋喇，仲話女角原型已經嫁咗人、仲移民去咗外國添，家吓生活好幸福，希望大家唔好打攪佢生活喎。
九把刀