少年頑皮事係人生最美好嘅回憶，工聯會立法會議員潘佩璆喺一個網站搞嘅「名人的信」中，寫咗篇回憶童年嘅信，佢追憶嘅嘢正正係少年時捉蝌蚪嘅趣事，睇佢行文溫馨、反斗，可見呢件事令佢幾難忘。
潘佩璆嘅感性留言透露，四、五十年前，佢住喺九龍區，當時每日返學都會經過位於何文田同土瓜灣之間嘅「鬼仔山」，呢個名雖然比較得人驚，但佢同細佬卻有好多有趣事件，譬如佢哋曾經喺山度捉咗幾隻小蝌蚪返去屋企，仲好好心機用魚缸養，點知後來啲蝌蚪蛻變做小蛤蟆，都幾搞笑。