政壇：郭小菱生日蛋糕賀狗仔

金融界嘅大行近年爭相吸納靚女做衍生產品嘅代表人物，法巴上市衍生產品部董事郭小菱（Shirley）就係其中一員，新婚無耐嘅佢原來係愛狗之人，養咗隻又肥又白又可愛嘅狗仔一年多，佢同老公Tommy當正隻狗係囝囝。

早前，Shirley同老公幫囝囝Cotton搞咗個生日派對，慶祝狗仔一歲生日，Shirley話：「如果唔係幫Cotton慶祝生日，我都唔知啲狗仔生日蛋糕原來都幾貴，細細個都要賣二、三百蚊，不過我都係畀佢食咗一件，費事佢又變番做肥仔。」

「Money18免費即秒股票報價網站」現推出8升級功能，財經資訊，實時實發！

法巴郭小菱與老公Tommy為囝囝Cotton慶祝一歲生日。