政壇：勞永樂科學展DNA傳子
全民健康動力主席勞永樂尋日擔任第四十四屆聯校科學展覽揭幕嘉賓，原來佢以前都有參加過呢啲科學展，佢透露七一年讀中四時已參加展覽，佢話以前科技冇依家咁犀利，整個展板介紹吓就算喎。
回想當年，勞永樂好興奮話：「當時DNA真實結構出咗冇幾耐，我就Set咗個模型出來參加展覽，話畀市民知。」玩過展覽，佢第二年做埋展覽籌委會委員，中六選埋做主席，學搞活動。「咪以為主席咁易做，逐個委員拉票至得，係民主選舉產生o架！」屈指一算至今已有三十年感情，認真唔嘢小。
勞永樂又話，同佢一樣讀聖保羅書院嘅囝囝都玩過呢個比賽，之後仲飛去英國讀電機電子工程，依家仲喺發電廠做嘢添。
勞永樂