政壇：新城1.3億拓數碼頻道
依家乜嘢都講數碼化，數碼廣播推廣多年之下，喺大氣電波所佔嘅角色愈來愈重。日前見到新城廣播有限公司董事總經理馬健生同新城知訊台台長（音樂及娛樂）朱明銳，馬健生透露，佢哋將會投資一億三千多萬元開拓三條全新嘅數碼頻道，最快嘅頻道年底就可以推出。
馬健生呢日着咗一條長裙，好有夏日氣息，佢話，三條將開嘅數碼頻道分別係財經、音樂及生活品味，最快推出嘅係數碼財經台，年底市民就可以聽到，至於另外兩個音樂台及生活品味台就會緊接推出。電視台推行數碼廣播之後，唔少市民都覺得選擇多咗，睇節目嘅質素都高咗，數碼廣播會帶來乜嘢衝擊，就要拭目以待喇。
馬健生（左）與朱明銳（右）出席一個活動時透露數碼廣播大計。