政壇：美聯黃錦康劈手賀開張
樓市雖然吹逆風，但美聯集團（01200）尋日仍聯同旗下四大品牌：美聯物業、美聯工商舖（00459）、香港置業及美聯中國一齊喺香港同內地開三十三間分行，係歷單日開舖最多嘅一次，咁大動作，點少得集團兩位副主席黃錦康及黃靜怡。黃靜怡係美聯主席黃建業嘅女，呢個太子女雖然年紀輕輕，但喺咁多老前輩面前，都表現淡定，毫不怯場。
黃錦康同黃靜怡尋日去到何文田嘅新舖主持儀式一齊剪綵。太極高手嘅黃錦康再次技癢，以前係佢劈板，今次就叫徒弟用木板劈落佢隻手，木板隨即斷為兩截，呢個表演係有意思嘅，佢想話畀大家知，近排成日都話業主劈價，但就無懼劈價咁話。
黃錦康（右）話無懼劈價，左為黃靜怡。