政壇:四太偷閒一粒鐘歎茶

賭王何鴻燊四太梁安琪係大忙人,除咗為賭王處理業務外,亦有公職同慈善工作。日前下晝五點幾,我哋喺中環見到四太,佢偷閒同朋友歎個下午茶、輕鬆傾吓,不過,短短一個鐘後,四太又匆匆由司機接走。

當日四太身穿一套行政套裝,似足女強人,佢同三個男女友人約埋歎下午茶,四太一度攞起刀叉切吓小食,一邊傾偈一邊醫肚。人面極廣嘅四太喺餐廳都撞到熟人,彼此有打吓牙骹。

Hea咗約莫一個鐘,佢哋就起身離開,友人護送四太搭扶手電梯到門外上車,雖然時間唔長,但四太睇嚟已經鬆一鬆。

四太抽空同三個友人歎茶。

忙碌嘅四太好快登上座駕離開。