下周二，即係八月二十三日係Gilbert楊其龍嘅生日，每年生日例必搞盛大派對嘅佢，今年當然唔會例外。佢將會提前本周六喺自己開設嘅酒吧Dragon-i舉行生日會，今年嘅主題就係火辣辣嘅「沙灘派對」，為配合主題，就連邀請卡亦以一雙拖鞋做設計，盡顯心思。
記者致電Gilbert問到出席嘉賓係咪都要着性感比堅尼？佢即時笑住話：「唔一定，不過着就梗係最好啦！」咁佢自己會唔會着泳褲？佢就話：「我未諗着咩喎，不過我都要努力keep吓，因為呢排都肥咗啲！」
楊其龍生日派對邀請卡以拖鞋為設計，襯晒主題。
