政壇：王國強600元機票飛曼谷
廣東社團總會主席、金城營造集團主席KK王國強，受惠細女阿Ann加入知名航空公司任職專業會計師，帶挈爸爸以筍價環遊世界。KK話早前去曼谷出席會議，票價六百元搞掂，仲平過去台灣。
阿Ann留學多倫多大學會計系，返港後曾任職四大會計師樓，又協助打理家族生意，但佢個性獨立，月前憑實力考入大公司，令爸爸好欣慰。KK話大仔紹基同二仔紹恒已逐步接掌家族生意，佢大可安心喺二○一四年榮休。
今年冧莊做總會主席嘅KK，九月一日正式就職，但未上任已收到多份大禮，包括信和置業主席黃志祥帶頭捐一百萬元賀佢，全國政協委員劉夢熊都捐三十萬元，為總會帶來進帳。KK話舊年收到「零食天王」戴德豐、金利來太子爺曾智明等人各捐一百萬元，有信心今年班老友會繼續撐佢。
無論幾忙，王國強（右一）都會抽空陪伴家人。左起：大仔紹基、新抱Josephine、細女阿Ann及次子紹恒。（王國強提供）
王國強去泰國曼谷開會時，順便遊覽當地名勝。