SUN世代：學爸爸為公益 犧牲天倫樂時間

為投入公益事務，Gene不惜犧牲與家人相處的時間，但三十多年前，他亦曾經「被犧牲」。原來其父親年輕時，同樣熱衷於公益事務，亦曾是國際青年商會香港總會會長，令父子相處時間大減。

兒時覺得父親被搶走

「喺我出世嗰日，商會咁啱舉辦咗個活動，係帶一萬個貧困小朋友去睇電影，結果爸爸在醫院留咗一陣，就匆忙趕去個活動度，話要『幼吾幼以及人之幼』。」Gene笑言，打從嬰兒至十多歲時，都認為商會把父親搶走，長大後才明白父親的想法，「幫人係一件好有意義嘅事，如果依家我換上當日爸爸嘅角色，我諗我都會咁做。」

縱使年少時與父親相處時間不多，Gene對父親依然又敬又愛，父子關係融洽，但當問他將來會否到父親公司工作時，他立即「耍手擰頭」說，「我哋做嘅嘢都唔同類型，好似依家咁，各有各做咪幾好！」