SUN世代：靚靚太子女學完賣藥轉戰投資

保健中藥近年在港賣得成行成市，偏偏開業十多年的御蓯蓉生命科學工程（香港）有限公司，近年卻在本港市場退下火線，轉型進軍投資業務。天生一副美人胚子的王文博（Katherine）亦在父親扶植下，接棒打理公司業務，出任董事總經理，邊學邊做，就算貴為太子女，亦虛心學習，惡補自己不足，希望助公司業務創一番佳績。

御蓯蓉生命科學工程（香港）有限公司由Katherine父親創立，約在九六、九七年開始代理以中藥材蓯蓉為主要成分的各類保健品，產品由北京大學專家研製。Katherine對公司出品讚口不絕，更如數家珍道出當中蘊含的補腎、抗衰老等保健功效和理論。

但回想○八年加入公司時，Katherine只是新手一名。「對保健品唔夠熟悉，客人原來會問到好仔細，甚至涉及中醫嘅嘢，例如問到有關寒底、熱底，適唔適合服用等，我自己賣呢啲產品，人哋問到都要識答。」於是她搜羅有關資料，惡補這方面的知識。

感激父親從旁教導

然而，近年本港保健品市場競爭激烈，公司保健品業務早已集中火力轉戰內地，只保留部分服務予本地舊有客戶。Katherine現時主力為公司投資，例如物業或期貨。

當上公司的董事總經理，主理投資，但原來Katherine當初並非一心要承繼爸爸的衣鉢。雖為家中獨女，卻不做溫室小花，她○五年在英國大學畢業回港，無即時加入爸爸公司，反而靠自己在外打拚，做過兩份工：「其實本身對做生意嘅興趣麻麻，自細鍾意藝術，畫畫做手工，但家人覺得應該實際啲，大學修讀管理學，剛畢業，工作經驗淺，想畀人管吓，睇吓人哋點做management。」她先後在通訊社和德國公司，當過資料分析和研究調查工作，惟發現亦非自己興趣所在，而爸爸公司亦需要她幫手，於是回巢。

提起有三十多年做生意經驗的爸爸，Katherine一臉感激：「工作遇到困難，點樣將由書本上學到嘅嘢轉到工作上實踐，好多謝爸爸從旁教導，樣樣都係跟佢學習，佢係我恩師。」未來日子，她希望能協助公司業務發展，不負爸爸所望。除了努力工作，她亦熱心社會事務，近年加入菁英會、百仁基金、香港都會扶輪社等，行善過程令她得到無限樂趣：「參與唔同工作，識咗大班好朋友，一齊做慈善，真係一個好好嘅平台。」

Katherine's profile

現　　職：御蓯蓉生命科學工程（香港）有限公司董事總經理

學　　歷：MScin Management （管理學碩士） 、

　　　　　University of Surrey （UK）

社會公職：香港菁英會副秘書長、百仁基金會員、

　　　　　香港都會扶輪社公共關係委員會主席

婚姻狀況：已婚