辭官歸故里嘅古仔大家聽得多，但建行香港分行總經理毛裕民就話，希望第日可以返內地種豆，搵番細細個飲豆漿嗰種香味，但係就講明要等成功推進人民幣國際化先會「離場」。
內地銀行業近年發展得咁快，人才需求好大，毛總就好謙虛咁話，當年係唔夠農地畀佢耕田，先走去做銀行家，點知入咗建行之後就做到依家。原來佢當年讀大學時都係揀文學，點知偏偏又被分派咗去讀銀行。建行董事長郭樹清一直都好自豪佢哋重視人才，而且管理層少跳槽，要建行放一個不可多得嘅賓卡去耕田？睇嚟毛總都幾難如願。
毛裕民
