SUN世代：創新IT人誓做龍頭

資訊科技令社會進步，亦可改變人的生活習慣！The I-Consulting Group CEO樓永強（Andy）直言，現今社會絕不能脫離IT：「IT改變人嘅習慣同生活模式，樣樣都依靠IT，甚至入侵衣食住行。」為了將IT業發揚光大，Andy經常飛往美國硅谷偷師，學習創新科技，並推廣至亞洲，同時亦希望在亞太區建立地區性網絡，務求成為最出色的IT業龍頭大佬。

Andy的成功並非一步登天，而是經過長年的經驗累積所致。身為家中孻子，Andy小學時已被送往英國升學，人在異鄉「乜都靠自己」，迫使他學會計劃人生。中學後，他選擇返港升讀大學：「諗住回流亞洲工作，一定要一早建立好人際關係。」港大畢業後，他便加入法國公司擔任巿場研究顧問，入職一周已被委以重任，獨自到法國交流：「人生路不熟，公司又指明要學晒返嚟教亞洲員工，好彩我用決心同毅力去彌補語言不足，加上創意，最終不負所望。」任職兩年，Andy開始尋找新衝擊，轉任德國老闆的私人助理，經常長駐中美洲工作，建立人際網絡，又了解營商理念及管理人的方法。

「概念新穎就有人信你」

○三年，年僅二十五歲的Andy決心返港，憑藉過往的工作經驗創業，最後他選擇投身IT界，創立The I-Consulting Group。他說：「喺香港做生意好睇經驗同資歷，太年輕畀唔到人信心，惟有IT唔使經驗，只要有創意，概念新穎就有人信你。」不過Andy甫創業即碰上沙士疫症，他直言擔心公司一開張就要結業：「好多人話我盤生意唔會賺錢，好彩之前建立啲工作網絡，公司一開就有客，未夠一年已收支平衡！」

有危才有機，沙士期間不少公司要開源節流，正符合Andy公司的性質：「我哋幫佢哋管理IT部門，佢哋又唔使額外請人，而我哋有完善嘅IT系統，可以帶到效益畀佢哋，幫佢哋解決科技同管理問題，穩定服務質素！」幾經辛苦，Andy終在業內打響名堂，客路愈來愈廣，現在不少國際企業及大公司都是其客戶。為了吸收更多IT新元素，Andy四出遊歷體驗其他國家的IT服務，更到硅谷尋找有潛力的公司及創作者，發掘有爆炸性的概念及新技術：「韓國可以做到自己嘅apps，我希望搵到好似有爆炸性嘅idea，等香港唔使只受惠美國嘅創意，仲有自己嘅創意。」

「我希望推廣多啲，等香港唔只有銀行業同商業，仲可以有IT！」Andy指出亞洲及本港在資訊科技方面仍有很多進步空間，鑑於內地發展潛力大，○九年他把公司打入內地巿場。現時他希望推動香港IT業，三年前更在香港大學設立獎學金，鼓勵年輕人提供IT概念。此外，又希望在亞洲建地區網絡，推廣新技術，務求成為亞洲的IT業龍頭。

Andy's Profile

學歷：香港大學運籌學系學士

現職：The I-Consulting Group CEO

興趣：運動、旅遊、越野比賽、單車、古典音樂

部分公職：香港菁英會會員、香港青年聯會會員、港城西北扶輪社董事