政情：長毛踢波 10分鐘喘晒氣

喺立法會議事廳內，差唔多個個男議員都係捧住個肚腩開會。好似社民連嘅「長毛」梁國雄尋日客串做「無家者世界盃」隊員，同甲組足球隊深水埗同場競技，落場踢唔夠十分鐘佢就喘晒氣，即刻向場邊揮手示意要求換人。睇佢肚腩顯現，可能就係跑唔郁嘅鐵證。佢事後話平時有練波，只不過對手係實力強勁嘅甲組隊，先至令佢上氣唔接下氣。

講番呢個「無家者世界盃」，其實係為一班無家可歸嘅人士而設嘅比賽，今年喺法國巴黎舉行，香港亦有派人出戰。雖然長毛唔係無家者，但佢都算唔話得，自資幾千蚊買機票，專登飛過去巴黎同港隊打氣。

「Money18免費即秒股票報價網站」現推出8升級功能，財經資訊，實時實發！

長毛落場十分鐘，已經上氣唔接下氣。