政情：美食之最大賞廚神出爐
旅發局近年搞咗個「美食之最大賞」，今年嘅比賽尋日一連兩日喺薄扶林道中華廚藝學院舉行，先舉行嘅比賽係「點心」同「羹」組別。結果參賽食肆「譽宴」就連中三元，奪得「蝦餃之王」、「甜品創意大獎」及「至高榮譽金獎」。
參與今次比賽嘅十支隊伍要喺指定時間及成本內，炮製蝦餃、炸焗類鹹點同甜品。「譽宴」廚師孫志強入行二十五年，佢話獲獎勝在創意同花巧，參賽作品融合中式甜品雙皮奶和西式甜品芝士蛋糕，係因為現今年輕人要求愈來愈高，食物唔單要味道好，仲要有創意，花好多心機先可以製成一件甜品。至於蝦餃嘅材料也有很高要求，餡料要選用新鮮蝦，才可以令蝦餃吃起來感到香口。
囊括三項大獎嘅「譽宴」作品：蝦餃、蜂巢初鳥（芋角）、雙皮奶焗芝士蛋糕。
至高榮譽金獎菜式之一：由「國金軒」食府呈上嘅「子母藍精靈」。