要從芸芸美食中揀出終極之選，美食評判真係個個嘴刁兼各有心得。馬會大董葉澍堃話，蝦餃要講求鮮嫩多汁，面薄底厚，好似有啲師傅喺餡皮整十幾個摺，真係考功夫；飲食達人余健志就認為製作食品一定要有創意，唔一定要講求正宗，咁先可進化。
首次擔任美食評判嘅Tanya陳淑莊，更自認係茶樓常客，好鍾意食蝦餃同炸雲吞，只要係傳統點心，佢都難以抗拒。身為點心組總評判嘅韋基舜覺得從前上茶室係雅致嘅，反觀現時流行抵食夾大件，只係為咗充飢。
陳淑莊細心品嘗美食。
葉澍堃（左）與余健志齊任美食評判，兼且分享飲食心得。
