政情：女電王Dior紫裙搶鏡

中國電力主席李小琳有女電王之稱，尋日公司發表業績，李小琳就以一襲亮麗紫色套裝裙亮相，仲襯以白色珍珠頸鏈同埋白色花花心口針，每逢公司重大場合，佢都會執到正出席，自然成為焦點中嘅焦點。

李小琳一向走在潮流尖端，更係各大時裝名牌嘅擁躉。尋日套衫係Dior今年嘅秋冬款式。今年五月嘅股東會，佢就着Chanel 2011年春夏系列，據講，仲唔係香港買得到嘅款，知情人話，嗰套衫淨係上衣應該都價值超過五萬蚊，加上珠鏈都係Chanel出品。

「Money18免費即秒股票報價網站」現推出8升級功能，財經資訊，實時實發！

李小琳一襲紫色套裝成為業績會焦點。