SUN世代：婚宴橋王玩Catwalk

一般人以為太子爺「唔使做」，但彩福企業的何健（Ray）卻做唔停！身為飲食界生力軍，他由低做起，從侍應、部長、經理拾級而上。憑着謙虛實幹的工作態度，終「浸出」成績來，並擢升為家族「軍師」，為擴展「婚宴王國」版圖出謀獻策，每走一步均顯功架。他說：「希望可以不斷進步，不斷創新！」

彩福企業旗下有九間婚宴專門店， Ray的父親是集團董事長，叔叔又是創辦人兼行政總裁，身為婚宴拓展部董事副總經理的他，理應可坐定定、等收錢，但他卻想更上一層樓，年紀輕輕，已經為彩福打江山做好充足的準備。他讀畢中四，便踏足社會，接受職場的洗禮，當時叔叔及父親仍未創辦彩福，「阿叔喺酒樓做，我就跟埋去學嘢，做咗侍應一年左右，就轉行試其他嘢，賣眼鏡、做香薰傳銷，邊樣搵到錢，就去試吓。」

一切由侍應開始

彩福於二○○○年成立後，當時才二十歲、曾當過侍應的Ray順理成章回去打理家族生意，但非想像中的高薪厚職。「我只係一個部長，但就熟悉咗酒樓嘅運作，學到好多嘢。」每日做足十二小時，他依然默默努力，不埋怨辛苦：「做得呢行預咗辛苦，唔係讀書多就做得好，一定要用心學，否則廚房師傅都會『蝦』你唔識嘢。」

這位由低做起的謙虛實幹型太子爺，並未打算在彩福打足一世工，而是把握每個增值機會，到其他飲食機構取經偷師，「做咗彩福一年幾，就走咗去另一間酒樓做，從中都學識唔少管理經驗。」浸淫一年多，Ray回歸彩福做起事來更駕輕就熟，能力逐漸獲得肯定，終由初時的小小侍應晉升為部長，以至經理。

現年三十歲的Ray是工作狂，每件事不但要做到最好，還要創新及堅持，其中佐敦的婚宴分店場地設有catwalk天橋，就是他的主意，「依家婚宴生意嘅競爭愈嚟愈激烈，要成功就要突破，做一啲人哋冇嘅嘢。」誠然，他做事有自己一套，更無將前輩的教誨和經驗拋諸腦後，「阿叔將西式婚禮嘅格調帶入香港，場地布置由紅色變成白色，客人一開始都接受唔到，但依家成行都跟住做，證明係work。爹哋就主張要酒樓價錢、酒店水準，呢樣嘢要保持都唔係易事。」

候時機北上掘金

擁有實戰經驗後，Ray亦不忘增值，並時刻緊貼市場脈搏。除了走訪大小婚禮展覽觀摩及取經外，更修讀婚禮統籌師課程。「之前讀咗管理學，明白每個行業都有周期，有高峰有衰落，依家要諗吓為公司轉型。」為了擴大「婚宴王國」的版圖，他不諱言彩福的下一個目標就是進軍內地，現正磨拳擦掌，待時機成熟便北上掘金！

Ray's Profile

現　　職：彩福企業婚宴拓展部董事副總經理

婚姻狀況：已婚，育有一子

興　　趣：桌球、足球、War Game

公　　職：朝陽工商聯會會員