SUN角度：品學兼優母怨天何太狠

「建華讀書好叻，年年考第一，佢兩個家姐又入咗重點學校，我先應承帶佢哋嚟香港玩，點解會搞成咁？」從前精靈乖巧的建華，變成現在這個樣子，做母親的獨力面對，早已心力交瘁。意外發生後，建華就讀的學校為他籌得數萬元，但醫療費用龐大，該筆錢早已花光。周母尹月霞嗚咽說：「我覺得好徬徨，賠償又攞唔到，唔知下一步應該點做。」

「咁乖嘅仔點會搞成咁」

記者翻看意外當日建華在海洋公園拍下的照片，每張都笑得開懷，令人倍覺心酸。建華是品學兼優的學生，拿取的獎狀足有厚厚一疊，更曾許下考入北京清華大學的宏願。周母傷心地說：「你睇吓老師寫建華嘅評語，全部都係讚賞，係三好學生！佢好聽話，從來唔扭計，我帶佢出街食早餐，佢都話唔好，仲話出面食好貴！咁乖嘅仔點解會搞成咁？」

建華兩位姐姐，每天都為弟弟舒展手腳，又幫忙將藥物、粥水等注射入胃喉。大家姐淑儀黯然地說：「只要細佬能夠好番，我做乜都願意。」