林建名嘅兒子林孝信多次被影到夜蒲，仲畀老竇指貪玩。佢尋晚出席活動時話仲有一年先大學畢業，問到有冇搵暑期工時，佢話搵緊，但暑假已過咗一半依然未有着落。咁會唔會去爸爸嘅公司幫手呀？佢話：「遲啲先，亦冇諗過做幕前或模特兒。再追問爸爸指佢貪玩時，佢話：「都係，不過我唔係貪玩，我只係出親去，都被人影到。」
另外，同場嘅名媛李桂蘭透露，依家忙緊幫慈善機構舉辦活動，而老公亦好支持，冇因為佢忙而投訴，遲啲佢就會到英國探女兒，順道shopping一番。
林孝信話自己其實唔貪玩，只係成日畀人影到啫。
