政情：張曼娟任港光華中心主任
香港同台灣關係逐漸升溫，角色愈來愈吃重嘅香港光華新聞中心快將有新領導，台灣暢銷小說作家張曼娟下月一日起出任該中心主任，接替早前突然辭職嘅原中心主任羅智成。
現年五十歲嘅張曼娟，代表作係第一本出版嘅《海水正藍》，一九八五年出版以來締造咗逾五十萬本以上的銷售紀錄，成為台灣當代最長銷同暢銷嘅小說。
之後佢又創立全球華文出版界第一間文學企劃同作家經紀公司「紫石作坊」並擔任總策劃。
除文學以外，張曼娟亦創作歌詞，主持廣播同電視節目等。張曼娟又話，台灣近幾年有好多新興文化，包括二手書店，佢好希望可以喺香港舉行二手書展，或者港人會感興趣。