政情：內地傳推三版本iPhone 5

近日市場經常傳出iPhone 5快將登陸中國，而最新版本係中國三大電訊商分別推出三款唔同版本嘅iPhone。聽聞近日頻頻有動作嘅中移，早前大力建設WiFi網絡。事出必有因，前排有外國媒體已經報道話中移同蘋果公司有共識，最快於今年十月率先推出簡化版iPhone 4，而呢款簡化版嘅iPhone 4正正係用WiFi上網，但要引入iPhone 5，怕且起碼要明年先有得諗。

另一邊廂，又有傳中電信將喺今年十月推出iPhone 5，同埋「簡化版iPhone 4」（同中移睇齊），更有傳中電信將花費三十億美元（約二百三十四億港元）去引入iPhone 5。最後，只剩下現時唯一有賣iPhone嘅聯通。市場認為，一旦蘋果公司推出iPhone 5，聯通會直接引入，但極可能會遲過美國同香港。如果傳言屬實，三間公司勢必有一番龍爭虎鬥。結果會點就唔知，但大贏家肯定係蘋果公司嘅喬布斯囉！