死者家屬與大業主庭外互罵

【本報訊】馬頭圍道塌樓事故首日研訊，四十五號J唐樓大業主翟愛聯已經出庭作證，她在庭上不斷聲稱對肇事唐樓的結構問題十分「上心」，又指親眼見到鐵閘移位外牆傾斜後，當晚擔心到失眠。惟死者家屬聞言更為憤怒，趁休庭時衝向她質問：「你明知有問題點解唔叫我哋搬呀……你係咪傻o架。」

雖然翟愛聯口口聲聲說極之擔心唐樓的問題，更不惜逾百次致電屋宇署要求協助，但死者家屬始終不明她為何不疏散住客。翟聞言就反唇相譏：「我有做呀，我覺得我係好業主嚟，我咪叫屋宇署去睇囉，係危險就通知人，我唔係專業o架，我係家庭主婦，我點識危唔危險，我做唔到其他嘢呀。」

另外，翟又不斷強調她患癌，但蔡道強遺孀在休庭時直斥她：「你有cancer我冇呀？有邊個可憐我呀？」又不斷指翟明知幢樓有危險亦不通知住客：「佢傻o架！真係好過分呀！一個月喇（指翟發現問題到事發），呢個唔係意外呀」。另一死者童慶濤母親哭着向翟說：「你畀番個仔我呀。」到開庭時，翟再被死者家屬質問，翟終按捺不住大發雷霆：「我點知咁危險，我邊有權力叫你走呀，我叫你走你會唔會鬧我呀……我都唔想人哋咁樣死喺我（嘅地方）度呀。」

被質疑誇大證供

翟作供時表示，○九年除夕親自接收地下舖位，離開時發現捲閘移位，旁邊外牆傾斜，強行鎖門時石屎不斷剝落。她形容當時十分擔心，更因此整晚失眠，翌日一早便不斷致電屋宇署向接頭的尹志威求助。

但代表屋宇署的律師則指出，翟在事發後翌日到警署錄口供時，表示地舖完整沒異樣，還打算將舖位放盤，質疑她在庭上誇大證供。另外，翟作供時聲稱事發前後多次與尹通電話，但都被敷衍打發，惟屋宇署律師指出，尹在○九年十一月底已經調職，翟聞言改口說：「係呀，我搵嗰個黃小姐囉」。

而事發前屋宇署曾向她發出僭建物清拆通知，亦於十一月發過修葺外牆的勸喻信，但她不是推說沒收過，就說信是寄到會計師樓，而她並沒接到對方通知。