網想證@internet：擘大眼打乞嗤 眼球噴埋出嚟？
討論區內不時會有網民發問：「我聽過唔知邊個好似話擘大眼打乞嗤會噴出眼球，係咪真o架？」有網絡文章更將打噴嚏的威力昇華，指只要打得太用力就有機會將眼球噴出來，實在令網民們連打噴嚏都不得不謹慎起來。對有關說法，周伯展醫生指，任何人打噴嚏均絕不會噴出眼球。
合埋口打乞嗤容易發炎
周醫生續稱，只有眼眶骨爆裂性骨折的病人於打噴嚏時的壓力或會從裂縫釋放出來，使眼球稍為突出，但亦不至於噴出眼球，其他眼眶骨完好無缺的正常人更不會因打噴嚏而令眼球有任何異動。
不過，他勸籲網民不要因好奇嘗試睜眼或閉口打噴嚏：「尤其係合埋口打（噴嚏），口腔同鼻腔內都有好多細菌，打乞嗤嘅壓力釋放唔到出去，噴番轉頭，就會將啲細菌衝上淚管，可能會引致發炎o架！」