政情：何紫綸拍影集助乳癌會
模特兒阿Ann何紫綸日前忙於拍攝慈善影集，仲會將收益捐畀乳癌基金會。佢透露自己好重視女性疾病，又話：「本身家姐同媽咪都有乳癌，所以我每年都會檢查胸部同子宮頸，女性有性行為之後，要更着重呢方面。」對於o靚模喺寫真戰中大鬥性感，佢就話寫真可以拍得好靚，但唔好令人有猥褻嘅感覺。
同張栢芝一家熟落嘅阿Ann，被問到有冇出席Lucas嘅生日會時，佢話：「自己最近忙於拍攝工作，所以冇出席，不過有收到邀請。」當提及謝霆鋒同張栢芝離婚一事，阿Ann就顯得不欲多談，話呢個問題要問當事人，佢唔能夠代答。
