政情：明愛中心明益公文袋
尋日我哋收到建仔區議員郭強投訴，指控明愛天水圍綜合家庭服務中心，作為一個社福機構，竟然借出場地畀公文袋大搞學生相攝影活動，質疑做法「不恰當」同有助選之嫌。
話說公文袋社區服務主任劉冠亨，尋日下晝喺中心舉辦「一蚊學生相攝影活動」，收費係一蚊半打相、兩蚊一打，兩打就四蚊，幾乎係象徵式收費。我哋問過中心代表，佢哋話中心出租場地準則，一向都係不分政治左中右，只要場地時間許可，活動又係服務居民，佢哋都歡迎，以前工聯會都租過啦！
我哋又發現，西貢區區議員方國珊近日大手筆派完「幸福手拉車」後，又推出「將軍澳仲夏夜晚宴」，兼送一部手拉車，每位收百幾蚊，都係半賣半送，但就未聽到有投訴。