政情：比亞迪銷售之神跳槽？
比亞迪踏入今年，售車表現放緩，公司嘅一舉一動亦更備受關注。集團尋日突然公布，掌管比亞迪汽車銷售業務嘅副總裁夏治冰由於個人原因已辭職，而內地就隨即揣測呢位比亞迪嘅「銷售之神」，極可能過檔捷豹路虎（即Jaguar Land Rover)，實行幫兩大英國品牌進一步開拓內地高檔車市場。
據比亞迪嘅通告，夏治冰離任並唔涉及同董事會嘅意見分歧，亦冇任何有關佢辭任嘅事宜要股東垂注。但聽內地汽車界人士講，有唔少人相信，夏治冰離任與比亞迪汽車銷售表現同新能源汽車嘅部署不無關係，但以佢過往為比亞迪打開內地汽車銷售市場嘅網絡同經驗，捷豹路虎邀請佢過檔亦不無道理！
