SUN世代：網絡月老勝在有性格

有多少人可以忠於自己？互聯網廣告代理商馬永聖（Roy）自言天生反叛，愛率性而行。家人想他當會計師，他偏跑去讀美術，學做雕塑。畢業後打理家族珠寶及鑽石批發生意，可以一世無憂，他卻志不在此，毅然投身IT界，由打工仔做起，之後創辦互聯網廣告代理公司Pure Media Asia，於網絡上闖出屬於自己的一片天。

充當「網絡月老」，介紹不同廣告商於大小網站及搜尋器賣廣告，同時替網站尋找廣告客戶，Roy是香港網絡廣告中介先行者，創立的Pure Media Asia亦是行內少數能捱過首五年「創業危險期」的互聯網推廣公司，目前代理網站達三十多個，廣告客戶更有逾三千間。

嫌做二世祖悶爆

但這一切原來由反叛開始， Roy在家中排最小，長兄當上銀行家，二姊為律師，爸爸希望他做會計師，大學時期他卻在美國修讀美術，激怒父親，他說：「呢個係我嘅人生。況且我人在美國，要鬧我都要透過電話，咪攞開啲個聽筒囉！」

畢業回港幫手打理家族珠寶及鑽石批發生意，但愛玩好動的Roy卻說悶：「每單生意係賺得多，但個客一年先買一轉，有排等。」要翹起手當二世祖，又不是他那杯茶：「見到身邊啲朋友，十個有九個唔做嘢，遊船河遊到悶，悶到死。」

於是，當時三十多歲的Roy，毅然投身微軟MSN，不出五年已憑實力賺取第一桶金。○四年，他更看準互聯網廣告代理市場，自組公司，替廣告商和網站牽紅線。

對員工重諾開放

別以為做中間人，定必唯唯是諾。Roy貫徹其率真作風，說話不轉彎抹角，他說：「如果個客條橋唔掂，我實同佢講，你咁做死梗，有熟客話從來都冇人會咁樣同佢講嘢。」

對員工重視承諾，奉行美式管理的Roy說：「員工遲到我唔點理，做晒嘢就走，唔好喺度磨爛蓆，嘥我冷氣費，要加人工就話我知你幫公司賺幾多，賺到我實加。」面對別人反口，即使是客亦毫不客氣。他說：「試過有客拖數，雖然區區三千八百蚊，但我就去小額審裁處告佢。」

結果得罪人多？錯了，廣告商就是喜歡他做人光明磊落，「有嗰句講嗰句」，七年來生意愈來愈多，員工對他信任有加，部分轉職廣告商，成為他生意客戶。而Roy以行動證明人生不一定要被別人牽着走：「我家族代代事業有成，我亦希望以自己嘅成就，話畀人知讀美術唔一定冇成就。」

Roy's Profile

職位：Pure Media Asia董事總經理

興趣：打高爾夫球

學歷：Whittier College文學院學士