政情：富士康增用機器人防跳樓？
富士康科技集團董事長郭台銘早兩日喺深圳出席員工聯歡晚會時同人講，家陣富士康有一萬部機器人，明年就會增加到三十萬部，到咗三年後機器人嘅使用規模將會達到一百萬部。
若果冇記錯，富士康喺內地嘅廠房啲員工跳樓案件已經去到第十八跳。唔知係咪因為跳樓事件，令到郭台銘想喺焊接、組裝、搬運、噴漆、檢測等生產工場，引入機器人工作站取代工人，救公司脫離連環跳樓嘅宿命呢？
增加機器人做啲簡單工序可以幫輕吓啲員工，的確係一件好事，但唔知有幾多員工到時會飯碗不保，咁又會唔會引發第十九、二十跳呢？睇嚟郭總真係要小心安排至好。