SUN角度：騎呢阿Sir玩 「棟篤笑」

該個培訓機構舉辦的平安卡課程，由上午十時至下午五時，時間緊密，導師理應抓緊時間，詳細教授厚達四十頁的培訓手冊內容，但他只挑選考試「重點」，逐一講解，最搞笑的是，他加插一些與工業安全毫無關係的「棟篤笑」話題，但講完卻並不好笑，令不少學員都感到莫名其妙。

「曱甴跑得最快」

「你哋知唔知跑得最快嘅動物係乜嘢呀？」該導師忽然問學員，有學員回答是豹，他搖搖頭說：「係曱甴！佢嘅時速係一百一十公里。」該名導師又問:「咁最大力嘅動物又係咩呢？諗唔到呀，係獨角仙（甲蟲）。」隨後，他又談起電影：「有冇睇《功夫熊貓》呀？幾好睇o架，裏面隱含好多人生哲理……」導師又提及，曾到中國雲南學習鐵板神數，又指人的成就高低，與運數關係極大，他說：「呂方唱歌好聽，係嘛？點解佢唔太紅呢？呢啲都係命運。」對於這類冷笑話，記者及在場學員都反應冷淡，有人更覺得他在浪費學習時間，惟有不表示反應以暗示不滿。