政情：Mandy Lieu揀男士首重feel

名模Mandy Lieu前晚着住波衫現身奧海城嘅活動，自言鍾意運動如踢波同行山等，平時都有睇波，但就唔會賭波，頂多同朋友牙骹戰，例如估輸咗就要請食飯。佢話車路士嘅王牌前鋒杜奧巴係佢喜愛嘅球員，但唔會因球員靚仔就鍾意，最緊要係腳法好，仲話對鍾意運動嘅男士會加分。

至於會唔會代表愛才多過愛樣，佢話：「係，不過都係要feel行先，要有好似有默契、識咗好耐嘅感覺至得。」佢又話下禮拜會返馬來西亞為將移民結婚嘅好朋友餞行。

Mandy Lieu平時都有睇波，但就唔會賭波。