政情：搞搞政：白鴿黨hea選特首兒戲
白鴿黨尋日召開會員大會，討論畀唔畀個黨派代表參加下年特首選舉，最終以大比數通過議案，即係話白鴿黨嚟緊可以派人出嚟爭櫈仔。主席「鐵頭仁」何俊仁重申，泛民主派應該舉行初選，搵出參選特首選舉嘅代表，同時以此證明小圈子選舉幾咁荒謬喎！
鐵頭仁建議泛民購買三百至五百部iPad，喺各主要港鐵站同人流多嘅地方做初選，市民只要輸入性別同身份證頭四個數字就搞掂。佢話暫時唔估計其他泛民會唔會參與，但就認為用嘅錢唔多，應該可以負擔得到。之不過，公文袋即潑冷水，話要嘥百幾萬買iPad會構成財政壓力，成效亦存疑。
不過，最弊嘅係，初選會安排喺下年一月舉行，另一副主席單仲偕承認，如果民主派今年十二月特首選委會選舉贏唔夠議席，咁就唔玩o架喇。聽落都幾兒戲喎，擺明係hea住玩！
設計圖片