SUN角度：數碼相機掀影閃電潮

潮流興影閃電，與數碼相機日漸普及有關，因為以往用菲林拍照的年代，難以即時分享相片，但自數碼相機普及，影閃電開始廣泛流行。再加上美國攝影師Jay Fine拍了一張閃電直接打在自由女神像的照片後，令影閃電的熱潮，更加火上加油。

本港的「閃電團」團長Jeffrey表示，「以前影菲林，好難即時分享到，所以喺香港唔流行。到數碼相機普及後，就開始多啲人影，到近一、兩年就愈嚟愈多。外國比較流行，好多網上拍攝嘅閃電相片，都係出於外國人手！」

香港天氣局限多

觀塘職業訓練中心攝影導師朱國明坦言，本港的天氣變化，局限了影閃電的活動。他說：「香港天氣變化細，唔係咁易有閃電，所以影閃電唔係香港嘅攝影主流，但都有十幾個中堅分子，至於外國地方廣闊、天氣變化大，出現閃電嘅頻率較香港多，所以較為流行。」