政情：黃家和破戒歎冠軍炆豬肉
早前彩福企業集團力壓多間新界食肆奪得「冠軍炆豬肉」，連戒緊口嘅餐飲聯業協會會長Simon黃家和都要走去試菜，獲集團董事長「強哥」何志強同細佬何惠雄親自招呼。
強哥從事大廚逾三十年，曾任職多間五星級酒店，堪稱廚神，佢發現坊間炆豬肉比較多用潮州鹹菜，味道帶酸，於是四出尋訪新材料，發現大埔有個街市內一間雜貨店，出售不可多得嘅正宗客家鹹菜，味道濃而不酸，用嚟炆豬肉，齒頰留香，結果喺去年「香港客家文化節」炆豬肉比賽中勝出，獲最高榮譽金獎。
Simon試過之後，話五花腩肥瘦度適中，充分吸收鹹菜同配料嘅香味，入口即溶。佢最後破戒食咗六舊，仲差啲想打包一煲返屋企消夜添！
黃家和（右二）點名要食「冠軍炆豬肉」，老闆何志強同兒子（右一及左一）、何惠雄（左二）親切招待。
鹹菜炆豬肉