政情：北控張虹海非洲搵水
美債違約危機畀個市場炒到慶合合，記者諗住打畀北控副主席張虹海傾吓，點知張總話佢都好想傾，但實在好唔得閒，事關佢正喺非洲，仲要同聯合國嘅人員一齊考察環保項目。唔通北控要投資非洲？
張總話，其實北控下面都有環保業務o架，詳情喺長電話度佢都講唔到咁多，遲啲再詳細講喎。
諗深一層，北控以燃氣業務為主，冇乜同環保相關業務，但旗下北控水務就唔同嘞，佢哋至拿手嘅看家本領係污水處理，而喺非洲呢類成日處於乾旱嘅地方，的確好需要污水處理裝置，今次張總同埋聯合國人員一齊去考察，梗係會拍住一齊做，令到當地嘅水可以更有效利用，令多啲人有水用，睇嚟同時身兼北控水務主席嘅張總，今次去非洲係謀劃緊北控水務下一步「走出去」將業務延伸去非洲嘅可行性定啦。
張虹海身在非洲，同聯合國人員考察環保項目。（資料圖片）