City Parade：閃鑽‧美人
女士，都渴望找到真愛。戴上閃亮鑽飾出嫁，幸福指數爆燈。Tiffany & Co.上周二喺中環舉行「What Makes Love True」活動，演繹Tiffany多款以浪漫婚嫁為主題嘅璀璨鑽飾，吸引城中愛美名媛捧場，齊感受浪漫情懷。工業總會換新氣象，鍾志平登上主席寶座，上周四喺會展舉行會員周年大會午宴，城中工業精英齊送上恭賀。
楊采妮 期待真愛
楊采妮（左）渴望遇到Mr.Right，身旁的丁子高早已名「草」有主。
陳浩寧 甜在心頭
大家樂太子女陳浩寧（右）戴上男友媽媽送贈嘅卡地亞名錶，甜在心頭。
周國豐 親情至上
律師周國豐（右）同太太爭取時間暑假敍天倫。
何超蕸 珠寶擁躉
賭王千金何超蕸（右）愛欣賞璀璨珠寶，公關公司老闆丁子高（左）當然樂意奉陪。
何倍倩 享受外遊
恒生新抱兼Zensation Beaute行政總裁何倍倩暑假遊美國歎世界。
楊崢 閃爆登場
名模楊崢雙手戴滿Bling Bling首飾，閃爆全場。
姚予晴 待嫁新娘
名模姚予晴（中）宣布明年做「八月新娘」，名模黃佩霞（左）及歐陽妙芝（右）都戥佢高興。
孫啟烈魄力非凡
孫啟烈（左二）卸任工總主席，三位公子榮聰（左一）、榮良（左三）及榮亨（右一）齊讚爸爸魄力十足。
鍾志平新任一哥
鍾志平（右）成為出爐工總主席，九巴金公主伍穎梅（左）第一時間恭賀。
施榮懷畀面派對
廠商會副會長施榮懷（左）嚟撐工總場，右為工總行政總裁邱達宏。