SUN世代：拒承家業外闖 父子更融洽
除了研發創新的高科技手錶外，Wayne亦積極參與社會服務，出任多項公職，當中更擔任香港工業青年委員會主席，分享自己的知識與經驗，籌辦不同的活動，促進年輕工業家的交流，為他們的事業發展鋪路。
「爸爸為我嘅成績開心」
訪問中，Wayne經常提起父親：「之前同爸爸一齊喺家族生意工作，好似上司同下屬嘅關係，放咗工講嘅嘢都離不開公事。依家創立咗自己品牌，同爸爸分開做嘢，關係反而融洽咗，佢亦因為見到我嘅成績而好開心！」
Wayne育有一對可愛兒子，哥哥三歲，弟弟則九個月大。問他有否期望兒子繼承父業？他笑說：「我會畀佢哋嘗試唔同嘅新事物，發掘自己嘅興趣同長處，再選擇喺邊方面發展。」
Wayne希望創作的手錶能帶來驚喜、快樂及提升生活質素。