SUN世代：百變錶王無限Fun

手錶可以打電話、錄音、聽音樂、看電影、拍攝、追蹤，甚至測試酒精濃度？看似天方夜譚，但梁嘉威（Wayne）卻將幻想化為現實，創港先河！父親是鐘錶界的佼佼者，擁有逾三十年歷史的鐘錶企業，但他拒絕繼承父業，反而選擇創立自己的品牌，以創意融合科技，令生活變得方便及有趣：「我深信手錶不只係報時工具，更能為人帶來驚喜、快樂及提升生活質素！」

父親於三十多年前創辦鐘錶生意，Wayne自小就滿腦子天馬行空的手錶概念：「細細個就成日憑空想像好多新奇古怪嘅設計，例如諗過整一隻全透明嘅錶。」他於六歲時負笈加拿大，大學畢業後回港協助父親打理生意，學懂許多鐘錶的技術與知識，但勇於創新的他，沒有安穩地繼承父業，反而於○九年九月，創立自己的多功能電子手錶品牌EZIO。

吹波波手錶防醉駕

憑着對鐘錶的了解及高科技的觸覺，Wayne在兩年前引入全港首隻電話手錶，創下先河，更大受歡迎，首輪已售出逾六百隻，並獲多本雜誌合共超過二十頁報道！而他第二項的「發明」，是可呼氣測試人體酒精濃度的手錶，他憶述靈感來源：「我好鍾意飲紅酒，係serious hobby，讀晒證書！當時我發現可以放好多唔同嘅感應器喺手錶度，但要試梗係試自己有興趣㗎啦！」

呼氣測試酒精濃度手錶有何用處？Wayne娓娓道來：「除咗可以喺揸車前測試，避免醉駕嘅危險之外，仲可以同一班朋友飲嘢時玩，測試吓大家有幾醉，邊個真醉邊個扮醉，帶來好多歡笑！」

他隨後更研發出具多種奇特功能的手錶，包括可以聽音樂、看電影、錄音、追蹤及拍攝等，「其實手錶都可以提供好多娛樂同方便，好似做緊運動時，唔可以用兩隻手拎相機，我設計嘅相機手錶就可以幫人留住珍貴一刻，連潛水時都用得！」

這位百變錶王從未停下腳步，將於七月中推出智能電話手錶，集多項令人驚喜的功能於一身：「除咗喺錶度玩angry bird，仲有更多醫療功能！可以測空氣質素、紫外線指數、病菌含量等，另外因為隻錶係貼住隻手，所以仲量到脈搏、心跳同血液循環！所以唔好睇小細細隻嘅手錶，佢可以擁有無限可能！」

Wayne's Profile

婚姻狀況：已婚，育有兩子。

現　　職：飛先有限公司董事長

學　　歷：Concordia University Bachelor of Arts

公　　職：香港工業青年委員會主席、香港表廠商會會董、香港中華廠商聯合會委員、香港中華總商會會員、香港發明協會會員、中國香港（地區）商會廣東區會員、東莞市鳳崗外商投資企業協會理事