政情：Amanda S.結婚目標生兩個
名模Amanda S.同名媛虞茱迪尋日出席無國界醫生活動，Amanda透露自己同爸爸都很熱心參與義務工作。佢話：「爸爸曾經留喺非洲五年做義工，幫手運送醫療物資去當地。」咁你有冇諗過做醫生？佢又話：「冇，不過由細到大都做好多義工。去過印度，嗰時德蘭修女仲未死，我去咗『垂死者之家』做義工。返到香港都有去『母親的抉擇』幫手，又去過內地探訪小朋友。」
另外，快將同意大利男友拉埋天窗嘅佢，被記者追問會唔會生夠一隊足球隊時，佢甜蜜咁話：「我冇所謂，得閒又有時間嘅話，都想生，大家庭都幾好。我嘅目標係生兩個小朋友，再助養兩個。」而同場嘅虞茱迪即場捐贈二十萬元畀無國界醫生。
Amanda S.（右）同虞茱迪齊撐無國界醫生活動。