政情：唐唐工總廢o翕畀業界窒

香港工業總會尋日換屆請咗政務司司長唐唐主禮，靠工業界上位嘅唐唐做過總會主席，今次返「娘家」竟然被恥笑收場。

話說喺答問環節，本身係特首選舉委員會委員嘅單志明，經營皮草生意幾十年，佢話廠商面對高成本、低利潤，希望唐唐提供切實可行方案解決廠商嘅困難。

點知唐唐人肉錄音機上身，炒返上月底一個活動時致辭嘅內容，話透過「政府行為」可以幫到業界，就好似取消紅酒稅咁，呢個政策令到紅酒業即時喺香港蓬勃起來喎。嘩，真係答非所問，單志明第一時間話：「講咗等如冇講！」同枱另一位業界就揶揄話：「即係話政府已經做咗好多，但只係幫紅酒做囉！」如果唐唐聽到業界咁講，相信會無地自容。