政情：梁高美懿膺傑出專業女性
恒生銀行副董事長兼行政總裁梁高美懿，係恒生首位女行政總裁，更加係藍籌股中唯一嘅女CEO，佢最近又威多次，喺「香港女工商及專業人員聯會」舉辦嘅「2011年傑出專業女性及女企業家選舉」中榮獲傑出專業女性大獎。
呢項每三年舉辦一次嘅選舉，評選準則係專業表現、個人道德及操守，同埋對社會嘅貢獻或創業精神。梁太話希望獎項可以鼓勵更多女性一展所長，為社會出一份力，並且喺社會上發光發亮。佢喺分享得獎感受時亦提及「要平衡工作同家庭，做到每個角色都稱職，絕對唔簡單」。佢仲致力為同事提供一個平等嘅平台，同事只要有才能、願意承擔、主動進取，無論男女都有同樣嘅發展機會。
另一個獎項係2011年傑出女企業家大獎，得獎嘅包括中國人壽保險（海外）股份公司副總裁高安鳳，同埋詠藜園董事長王小玲。
