視帝靚仔look出庭

【本報訊】因飾演「柴九」一角而街知巷聞的「視帝」黎耀祥，成為本案唯一要出庭作供的藝人。劇中角色多作市井打扮的黎耀祥，昨日一身「靚仔look」出庭，庭上又自爆出騷身價。在庭上向陳志雲點頭微笑的黎耀祥，更在作供後表明希望陳在官非中脫身。

黎耀祥昨日一身黑色西裝配藍色領呔，並架上黑色粗框眼鏡，在早上十一時許便到達法院等候出庭。他中午離開法庭外出午膳前，向記者承認是經悉心打扮，說：「梗係要靚啲，第一次見到咁多港聞記者。」有少許近視的他又承認為了打扮斯文，才架上眼鏡。他又走到法院兩邊的門口讓大批傳媒拍照，期間有人稱讚：「不愧有視帝風範！」之後他才登上妻子駕駛的白色私家車離開。

笑指TVB法庭布景誇大咗

上午時法庭仍有空位，但下午開庭前所有開放予公眾的座位即「爆滿」。黎的作供只有短短十多分鐘，期間不時雙手緊扣放在枱上，也有望向陳志雲和旁聽席。他作供完畢即將離開法庭前，特別望向陳志雲點頭微笑，對方也輕笑回應。第一次上庭的黎向記者表示不感到緊張，又道出作供後感：「拍劇、拍戲，做過好多法庭嘅戲，原告、被告都做過，入到呢個法庭，就真實好多……TVB布景誇大咗，（布景）好戲劇性。」並認為作供對日後演戲有幫助，但他認為現實法庭的流程較戲中慢。他坦言好欣賞陳志雲，希望他「無事」。

此外，黎在作供時發生一段小插曲，控方律師讀出黎在去年三月錄取的口供，只讀了數句，黎耀祥便望向他面前的一份口供謂：「唔好意思，sorry，呢份唔係我嘅口供！」法庭書記才知「搞錯」，即時修正。