SUN世代：正面改變 難忘表弟受軍訓變自律

Timmy於九九年加入國際青年商會，至今十多年來，最令他難忘的，是一次工作計劃。那次他率領一班學生遠赴中山的少年軍校接受軍訓，其表弟亦是參加者之一，「因為會好辛苦，表弟出發前好唔想去，好唔開心！」

參加的學生於當地接受非常刻苦的訓練，每天清晨六時起床，十分鐘內要整理好床鋪、梳洗更衣，炎炎夏日亦沒有空調，要忍受酷熱天氣，每晚十時前必須關燈睡覺，「啲學生平日嬌生慣養，頭一兩日個個叫苦連天！但到離開軍校嗰日，佢哋全部都唔捨得走，忍唔住喊，攬實軍營嘅長官。我深深感受到佢哋建立嘅嗰份感情！」

而最令Timmy感動的，是見證到表弟的改變，他笑說：「回程返到香港時，表弟揹住個好大嘅背囊，佢媽咪想幫佢揹，佢竟然話唔使！之後佢仲日日自己收拾床鋪，佢媽咪都話十幾年嚟未試過！證明JCI嘅工作計劃真係可以帶到正面影響畀年輕人！」

Timmy's Profile

現職：宏利人壽保險（國際）有限公司分區總監

學歷： 聖傑文大學工商管理碩士、華南理工大學管理學深造文憑

部分公職：國際青年商會香港總會會長、香港政府公共事務論壇委任成員、香港青年聯會會董、香港童軍總會新界東地域副會長、香港菁英會永久會員、黑龍江省青年聯合會常委、中山市青年聯合會副主席。