SUN世代：用愛建立保險王國

「一切從心出發」是李騰駿（Timmy）的座右銘，無論事業或公職，他都堅守這個信念。從事保險業二十載的他，由低級員工做起，逐步晉升至管理層，致力建立愛心保險王國，期望以心助人。現時他亦擔任青年組織會長，培育青年領袖，更建立義工隊，服務長者及傷殘人士，矢志將愛心傳遞到社會各界。

「見到保險真係幫助到朋友嘅家庭，感受好深刻！」正因如此，Timmy決定投身保險界。二十年前，他由低級從業員做起，努力耕耘，期間在朋友介紹下加入國際青年商會（JCI），從此改變一生：「JCI嘅宗旨係培育明日嘅青年領袖，令佢哋有正面嘅改變，我就係一個人辦！當時我只係中學畢業，好冇自信心，見到身邊JCI嘅會員，個個嘅學識、工作、處事同社會服務各方面都好犀利，激勵我去讀番書，好好裝備自己！」

Timmy一邊工作累積經驗，一邊進修自我增值，考取工商管理碩士及多項專業資格，憑努力逐步晉升至國際保險企業管理層。事業取得成功，他不忘回饋社會。加入國際青年商會十二年的他，一直全心付出，得到一眾會員支持，獲選為本屆香港總會會長，率領青商培育年輕人。

透過演講影響年輕人

要兼顧事業及義務工作，Timmy忙得不可開交，每天早上八時回到保險公司的辦公室，處理行政工作，並鼓勵員工建立愛心保險團隊，工作不為「捽數」，只求真心助人，提供合適服務予有需要的人。緊接的時間Timmy都用於會務，如下午趕到國際青年商會，隨後馬不停蹄出席活動及開會，回到家還要檢閱電郵直至凌晨，每晚只有四小時睡眠時間。擔任會長逾半年，他只放過兩天假。

不過，無論Timmy有多忙，有一件事他仍堅持去做：「我一直抽時間去學校做分享。成日有人話，用三、四個鐘準備個短短嘅演講唔值得，我就唔認同，因為我深信『態度影響思想，思想決定行為，行為成就結果』，所以一個人嘅態度係最重要！我好希望透過我嘅分享，影響年輕人嘅態度，令佢哋變得積極正面！」

除致力服務青少年外，Timmy亦創立添美勵義工隊，幫助長者及傷殘人士，將愛心延續到社會各階層：「添美勵嘅意思係為長者締造『美』麗晚程，鼓『勵』傷殘人士積極生活，重拾自信。本來係帶領我嘅愛心保險團隊同事做義工，但慢慢佢哋邀請埋親戚朋友去行善，依家團隊已經有超過一百人！」