政情：搞搞政：黃碧雲踩場梁美芬避戰
打算去九龍城區議會黃埔東選區挑戰現任區議員梁美芬嘅白鴿黨黃碧雲，尋日喺一班黨高層支持下去黃埔花園踩場，話身兼專業會議立法會議員嘅梁美芬喺政府提出替補機制時一聲不響，冇叫政府做諮詢，亦冇落區諮詢街坊。佢仲話：「梁美芬係博士，我都係政治學博士，依家就博士對博士、學者對學者、專業對專業，七月十三號（立法會恢復二讀草案）之前同佢喺度公開辯論。」
當時梁美芬冇喺區內「恭候」踩場嘅人，兩人亦冇巧遇，咁即係話黃碧雲下戰書都冇人接，似係同空氣打拳咁。而梁美芬事後發咗一份聲明，話佢會同專業會議成員傾吓投票立場，不過仍然希望政府重新考慮佢原先提出嘅方案，就係辭職議員不可再參選。
設計圖片