醫生淪出氣袋被怨普通話差

【本報訊】繼公立醫院產科及兒科醫生炮轟服務「頂唔住」後，母嬰健康院的前線政府醫生亦苦不堪言，指近五年工作量大增兩倍，忙到去洗手間、飲水也無時間，更曾遭內地母親埋怨「普通話唔好」，沮喪到萌生去意。

壓力大想辭職

有油麻地母嬰健康院的醫生形容，近年每個診症時段有約十多個新症，其中有二、三個沒預約便攜子前來檢查的內地母親，令整間健康院醫護人員做到「冇停手」。部分內地媽媽以為健康院醫生「能醫百病」：「同智力有關嘅病，健康院冇提供相關服務。我受氣唔緊要，兒童延遲醫治可大可小！」她聽聞不少同事壓力大得想辭職，當個別健康院不夠人手時，醫生更要四周調配：「港九新界都做過，邊度唔夠人咪調去邊。」

據衞生署資料，母嬰健康院截至本年六月底共有八十五名醫生及四百四十八名護士，過去五年增聘了十名醫生、四十二名護士。面對近年不斷上升的新生嬰兒數目及服務，承認需作內部資源調配。