前港區人大常委曾憲梓嘅新抱「小恩子」黎瑞恩，最近重出江湖，不過唔係重返歌壇，而係幫好姊妹王馨平客串唱一首歌啫！已嫁入豪門嘅小恩子為免老爺同奶奶有微言，早就事先聲明，話只係幫口唱歌，唔會做任何宣傳。
小恩子咁有心，皆因昔日同屬寶麗金唱片公司、已嫁作人婦嘅王馨平呢個月推出新唱片，結果兩人攜手唱咗隻國語歌。唔講唔知，佢哋兩個都好有緣，以前同一間唱片公司，跟住各自嫁人，又一齊愛上打高爾夫球，聯絡不斷下，咪促成今次好事囉！
黎瑞恩（右）同王馨平（左）好有緣，今次仲合唱一首國語歌。 （資料圖片）
