鑽石係唔少女士嘅恩物,電視節目主播黃翠如早前為美鑽品牌Forevermark擔任代言人,就講起佢第一次買鑽石嘅經驗:「嗰陣返暑期工,出糧時就買咗隻鑽石戒指送畀媽咪,媽咪好珍而重之,成日都攞出嚟睇同戴住,從此我就知道媽咪好鍾意鑽石。」而佢嘅第一個鑽石飾品係爸爸送嘅。
男友有冇送過呀?佢話:「從來都冇收過第二個男人送嘅鑽石,我都好期待,始終鑽石畀人感覺都係浪漫!」
早排黃翠如孭住背囊去咗越南同柬埔寨等地旅遊,佢話好鍾意旅行,體驗唔同國家嘅生活。
黃翠如鍾意鑽石飾物,期望收到男友嘅心意。